Eftir dystin í Bosnia & Hersegovina í kvøld er greitt, at KÍ í 3. umfari í Europa League skal møta meistarunum úr Bosnia & Hersegovina í 3. umfari í Europa League.

Hetta er sama felag, sum B36 sendi út úr Conference League eftir brotssparkskapping í 2022. Hyggja vit eftir søguni hjá Borac Banja Luka so sást, at hetta er er lið, sum er sera ymiskt alt eftir, um liðið spælir á heimavølli ella á útivølli. Liðið vinnur nærum ongantíð á útivølli og tapur nærum ongantíð á heimavølli.

Fyrri dysturin verður hóskvøldið 8. august kl. 18.00 á Tórsvølli og eina viku seinni verður avgerandi dysturin í Bosnia & Hersegovina.