Dysturin í Klaksvík er millum nummar átta og níggju.

Seks umfør eru eftir at spæla í 1.deild. KÍ og FC Hoyvík stríðast um klára 8. plássið. KÍ er eitt stig frammanfyri.

Fyri eitt felag sum KÍ hevur tað stóran týdning at varðveita plássið í 1.deild, tí eykaleikarar fáa dystir á ov lágum stigi, um teir skulu spæla við 2.deild, har summi lið spæla hugnafótbólt og har góðskan er ójøvn.

Komandi trý umførini hava liðini møguleika at brúka allar eykaleikarar á besta liðnum til 1.deild dagin fyri. Síðstu trý umførini hava bara leikarar undir 21 ár loyvið til hetta.

Tí eiga allir ella nærum allir eykaleikarararnir hjá KÍ til dystin sunnudagin móti HB at spæla móti FC Hoyvík, um KÍ raðfestur at varðveita sítt lið í 1.deild.

KÍ-FC Hoyvík spæla leygardagin kl. 14.30.