Veðrið í vikuni
Vit kunnu býta vikuna, sum stendur fyri framman, í tvey. Fyrstu dagarnar fara lágtrýst í landnyrðing vestan fyri Føroyar. Tá er veðrið eitt sindur skiftandi, ættin millum sunnan og vestan, og so løtur annaðhvørt við gráum lofti og regni ella smáskýggjað og sólglottar. Seinna partin av vikuni fara vit at hava hátrýstveður við lítlum vindi og nokkso klárt og fyri tað mesta turrveður.
Veðrið í vikuni – dag fyri dag:
Mánadagin:
Lítið lot vestan, minni enn 5 m/s, smáskýggjað og sól ella sólglottar. Seinnapartin veksandi vindur upp í frískt lot til frískan vindm 5 til 10 m/s. Um kvøldið fer hann niður í sunnan, tað verður samdrigið og fer at regna. Hitin 7 til 12 stig.
Týsdagin:
Frískt lot upp í ein strúk av útsynningi, 8 til 13 m/s, samdrigið og sum frálíður fer at regna. Um náttina slítur í. Hitin 8 til 13 stig.
Mikudagin:
Frískt lot til frískan vind av útsynningi, 5 til 10 m/s, smáskýggjað og sólglottar, men í støðum skýggjað og kanska mjørki. Hitin 8 til 12 stig.
Hósdagin:
Lot til frískt lit av útsynningi, 3 til 8 m/s, smáskýggjað og sólglottar. Seinnapartin fer ættin í eystan og minkar vindin niður í eitt lítið lot, minni enn 5 m/s. Hitin 8 til 12 stig.
Fríggjadagin:
Lítið lot eystan, minni enn 5 m/s, skýggjað og yvirhøvur turt. Hitin 8 til 12 stig.