Tað var annars í 2021, at Føroya Rættur kom til tann úrskurð, at útisiglarar ikki skuldu gjalda heilsutrygdargjald. Heilsutrygd appelleraði, men fekk heldur ikki viðhald í Landsrættinum. Og so sluppu tey ikki at appellera víðari til Hægstarætt. Avgerðin hjá Føroya Rætti stóð tí við sum endalig.

Fleiri, bæði áhugafelagsskapur og politikarar, hava í drúgva tíð ilskast og ótolnast eftir, at úrskurðurin skal effektuerast, og tey, sum eru vorðin kravd heilsutrygdargjald av órøttum, skuldu fáa hann aftur. Men hóast sera drúgv tíð er fráliðin, verður framvegis sagt, at arbeitt verður við málinum, og okkurt uppskot nokk skal koma seinni.

Men líkt er nú til, at útisiglarar skulu bíða leingi enn. Tí í løgtingsfíggjarlógini fyri 2025, sum varð løgd fram í dag, eru endurgjøldini framvegis ikki við.