Miðflokkurin hevði tíðindafund um sína uppstilling til kommunuvalið ígjár. Miðflokkurin stillar upp í Tórshavnar kommunu og Klaksvíkar kommunu. 

Vit hava Petur Asano á listanum í Klaksvík, hann er ein einmansherur í løtuni. Vit høvdu eitt annað valevni á listanum, men viðkomandi hevur trekt seg av listanum, sigur Jenis av Rana.

Vit fingu 246 atkvøður til løgtingsvalið, so tað eru nógvir miðflokkaveljarar í Klaksvik. Vit leita enn eftir møguligum valevnum, sigur Jenis av Rana við Norðlýsið

Freistin at lata valevnislistarnar inn er 22. oktober kl. 18.00

Valevnislistarnir mugu vera valnevndarformanninum ella kommununi í hendi í seinasta lagi kl. 18.00, 3 vikur undan valdegnum, upplýsir Løgmálaráðið á heimasíðu sínari. 

Fólkaflokkurin, Sambandsflokkurin, Javnaðarflokkurin, Sjálvstýri og Tjóðveldi hava kunngjørt sínar listar til býráðsvalið í Klaksvíkar kommunu.