Lágtrýst við vindi – okkurt við nógvum vindi – fara eina leið vestan fyri okkum í landnyrðing. Vit fara at liggja eystan fyri tey, og tað er har brúgvaløgini eru. Vit fara tí at hava løtur við samregni og fleiri løtur við ælaveðri.  

Hitalagið hetta til hósdagin fer at liggja úr 5 stigum, tá ið tað er kaldast, upp í 12 stig, tá ið tað er heitast. Fríggjadagin verður kaldari.

Veðrið í vikuni – dag fyri dag:

Mánadagin:

Veksandi vindur upp í 13 til 18 m/s av vestri ella útsynningi. Fyrrapartin skýggjað og ælaveður, men sum frálíður samdrigið og framvegis ælaveður. Hitin 6 til 10 stig.

Týsdagin:

10 til 15 m/s av vestri ella útsynningi, í støðum upp í 18 m/s. Hvirlurnar kunnu vera eitt sindur harðar. Skýloftið skiftandi við ælaveðri, í støðum kanska heglingur. Um kvøldið minkandi vindur niður í 8 til 13 m/s, skýggjað og yvirhøvur turt. Um náttina samregn. Hitin millum 5 og 10 stig.

Mikudagin:

8 til 13 m/s av útsynningi, í støðum upp í 15 m/s, skýggjað og regn ella ælaveður. Um náttina lækkar hann niður í sunnan og veksur vindin upp í 10 til 15 m/s, í støðum upp í 18 m/s og harðar hvirlur. Hitin millum 8 og 12 stig.

Hósdagin:

13 til 18 m/s av suðuri og harðar hvirlur, samdrigið og og regn. Sum líður á dagin minkandi vindur. Hitin 7 til 12 stig.

Fríggjadagin:

8 til 13 m/s norðaneftir, í støðum upp í 15 m/s, samdrigið og regn. Út á seinnapartin minkandi vindur og okkurt ælið. Hitin millum 3 og 7 stig.