19 ára gamli Jóhan Josephsen bleiv í summar leigaður frá KÍ til B68. Eftir eina eitt sindur torføra byrjan, so byrjaði hann at sláa til og síðstu umførini var hann kanska høvuðsleikarin í, at B68 yvirlivdi í deildini. Síðstu fýra umførini fekk B68 sjey stig og skoraði níggju mál. Av teimum skoraði Jóhan Josephsen trý mál, legði upp til tvey mál og átti stóran leiklut í tveimum øðrum málum.

Jóhan hevur sáttmála við KÍ í 2025 og ætlanin hevur verið, at hann skal aftur til barndómsfelagið. Spurningurin er so, um hann fer at fáa nóg nógva spælitíð ella um tað kanska verður best fyri allar partar, at hann tekur t.d. eitt hálvt ella heilt ár afturat í B68.