Skúlin hevur tí eitt sosialt virði fyri Klaksvíkar kommunu, ið ikki kann virðismetast nóg høgt. Komandi valskeið má tað, sum enn stendur í hálvum gekki fáast frá hondini.

Skúlatrøð eigir stórt pláss í mínum hjarta. Í samanlagt tólv ár havi eg sitið í skúlastýrinum, bæði í Skúlanum á Ziskatrøð og í Skúlanum við Ósánna og síðani á Skúlatrøð.

Sostatt havi eg verið við til samanleggingina av báðum skúlunum og harvið við í tilgongdini at planleggja fyrsta, annað og triðja byggistig.

Fyrsta byggistig er nú liðugt, og eftir eru annað og triðja byggistig. Í hesum byggistigum er ætlanin at byggja fakhølini til alis- og evnafrøði, lívfrøði, køk, handarbeiði og eisini høli til heilsuhjálpara og tannlækna. Tey flestu av hesum hølum vóru staðsett í tí partinum, sum varð rivin niður vegna sopp í tilgongdini at binda skúlarnar saman í ein skúla.

Men nú er stígur komin í, og tað tykist sum, at eingin ætlan er um at fara í gond við annað og triðja byggistig.

Skúlatrøð húsar nógvum virksemi dag og kvøld, og tað munnu vera fleiri enn túsund fólk á gátt hvørja viku. Skúlin hevur tí eisini eitt sosialt virði fyri Klaksvíkar kommunu, ið ikki kann virðismetast nóg høgt. At hava góðar umstøðu í hesum samanhanginum er av allarstørsta týdningi. Tí harmar tað meg óalmindiliga nógv at síggja, at hin týdningarmesti bygningurin í kommununi stendur í hálvum gekki.

Eg fari at arbeiða fyri at fáa sett annað og triðja byggistig í gongd í komandi valskeiði, verði eg valdur í býráðið hin 12.novembur.

Stígur komin í og tað sær ikki pent út, men nú skulu annað og triðja byggistig raðfestast.

Sven Dahl

Valevni á lista D