Tað ljóðar, at frágongdin hjá KÍ kann fara at telja tveir av leikarunum, ið annars hava sáttmála fyri 2025.

Bæði Pætur Petersen og Joseph Michael Williams hava sáttmála fyri 2025 við KÍ. Men sambært góðum keldum hjá Norðlýsinum, so er ein møguleiki fyri, at teir halda ikki fram í KÍ. Báðir høvdu eitt torført kappingarár í 2024, har spælitíðin var avmarkað. Felags fyri báðar er, at teir hava eiutt avíst samband við komandi KÍ-venjaran Magnus Powell. Magnus Powell royndi at fáa Pætur til Østersunds í 2022, meðan Joseph var í norska felagnum Sandefjord, tá Magnus var venjari har í 2018.

Sum skilst hava báðir frítt at fara í vetur. Sum skilst skal Joseph royndarvenja við onkrum felag, meðan ein skaði hjá Pæturi ger hansara støðu meira ógreiða. Tað vísti seg á myndum, at hann hevði spælt stóran part av kappingarárinum við hesum skaða, so tað hevur helst eisini ávirkað avrikini skeiva vegin. Baðir hava tó sáttmála við KÍ, so tað er eisini ein møguleiki at teir halda fram í KÍ, so leingi sum einki annað er kunngjørt.