Nú klokkan er 16, er ættin landsynningur, vindferðin 8 til 13 m/s í miðal kring landið. Tað er samdrigið og enn turt í flestu støðum.

Í kvøld fer at regna, og vindurin fer at veksa. Á midnátt er miðalvindferðin 15 til 20 m/s, í støðum upp í 23 m/s. Nakað eftir midnátt fer hann niður í sunnan, og nakrar tímar eftir tað er miðalvindurin 20 til 25 m/s.

Fyrrapartin í morgin gongur hann vesturum til útsynning – sama vindferð og avfall– og soleiðis verður líka til seinnapartin í morgin. Tá fer at minka spakuliga.

Á midnátt í annaðkvøld eru 8 til 13 m/s av vestri.

Økið við nógva vindinum kemur ímóti Føroyum vestaneftir, og tí fer meiri vindur at vera vestanfyri enn eystanfyri.