Lágtrýstið verður liggjandi, og kalda veðrið fer tí at vera verandi til hósdagin. Eitt hátrýst fer at nærkast okkara leiðum vestaneftir, og hann fer fyrst at mala av ymsum ættum, og so fer hann at koma lágt fríggjadagin, tá ið hátrýstið er farið eysturum.

Veðrið í vikuni – dag fyri dag:

Mánadagin:

Frískt lot upp í strúk av landnyrðingi, 7 til 12 m/s, við skiftandi skýlofti og løtum við kavaavfalli. Um náttina veksur vindurin upp í ein strúk í vindi ella skrið av landnyrðingi, 13 til 18 m/s. Hitin fer at liggja úr frostmarkinum og niður í 4 kuldastig.

Týsdagin:

Strúkur í vindi upp í skrið norðan, 13 til 18 m/s. Um kvøldið minkar niður í frískan ella hvassan vind, 10 til 15 m/s. Skýloftið skiftandi og viðhvørt kavar. Hitin fer aftur at liggja úr frostmarkinum og niður í 4 kuldastig.

Mikudagin:

Frískur vindur upp í hvassan vind norðan, 10 til 15 m/s, um náttina minkar niður í frískt lot til frískan vind, 5 til 10 m/s. Skýloftið sum dagin fyri, skiftandi og stundum kavar. Hitin um frostmarkið og upp í 3 hitastig.

Hósdagin:

Lot til frískt lot norðan, 3 til 8 m/s, skiftandi skýloft og kavaæl. Sum frálíður fer hann at mæla av ymsum ættum, og tað verður longri ímillum kavaælini. Um kvøldið skýggjað og yvirhøvur turt. Hitin millum 2 kuldastig og 2 hitastig.

Fríggjadagin:

So kemur broytingin: frískt lot til frískan vind sunnan, 5 til 10 m/s, sum veksur út á dagin upp í frískan vind ella hvassan vind, 10 til 15 m/s, skýggjað og fyrst yvirhøvur turt, um kvøldið og um náttina vátakavi ella regn. Hitin 2 til 6 stig.