Johan Nielsen var prestur í Norðoya vestara prestagjaldi árini 1956-1964, við bústaði í prestagarðinum á Ziskatrøð. Hann var ein litríkur persónur og gekk eitt nú undan at fáa Christianskirkjuna bygda.

Umframt stuttan inngang um Johan Nielsen, fara vit serliga at lurta eftir upptøku, ið Útvarp Føroya gjørdi av seinastu prædiku hansara í Christianskirkjuni hin 25. november 1964.

Eisini verður sálmasangur, ein góður drekkamunnur og andakt við Øssuri Kjølbro.

Hugnaløtan verður klokkan 15, og øll eru hjartaliga vælkomin!