Hesi bjóða seg fram til nevndar- og ráðssessirnar hjá Pedagogfelagnum
Tá freistin at stilla upp var úti á midnátt í gjár, høvdu fýra valevni boðað frá, at tey ynskja at stilla upp til teir báðar nevndarsessirnar, sum standa fyri vali. Valið verður avgreitt á aðalfundinum hjá Føroya Pedagogfelag 29. Mars. Umframt nevndarval, verður eisini val til Leiðara-, Námsfrøðinga- og Hjálparfólkaráðið.
Um góðar seks vikur, 29. mars, gerst tað greitt, hvussu nevndin hjá Føroya Pedagogfelag fer at síggja út næstu trý árini.
Tveir sessir skulu veljast av nýggjum. Talan er um sessirnir, sum Gunnvá Akraberg Hansen og Sæbjørn Johannesen hava havt, tí teirra valskeið nú er lokið.
Fýra hava bjóðað seg fram til teir tveir nevndarsessirnir, og tey eru:
- Gunnvá Akraberg Hansen
- Hildibjarta Súnadóttir
- Joan Heinesen
- Nikkil Heinesen
Tey tvey valevnini, sum fáa flestar og næstfelstar atkvøður, verða vald fyri trý ár. Hini bæði verða tiltakslimir í raðfylgju samsvarandi atkvøðutalinum.
Umframt nevndarval verður eisini val til tey trý ráðini í felagnum: Leiðararáðið, Námsfrøðingaráðið og Hjálparfólkaráðið. Í øllum ráðunum standa trý fyri vali. Hesi bjóða seg fram til ráðini:
Leiðararáðið
- Arna Silvurstein
- Eyð Skúvadal
Námsfrøðingaráðið
- Dagny Miðskarð
- Krista Hvannastein
- Majbritt Egholm
Hjálparfólkaráðið
- Eingin hevur boðað frá uppstilling.
Viðtøkubroytingar á aðalfundinum fyrraárið tryggja, at tað ber til at skjóta upp og velja upp til tríggjar eykalimir á sjálvum aðalfundinum. Hetta er galdandi fyri val til bæði nevnd og ráð.
Tí fer at verða roynt at fáa fólk at stilla upp til ráðini, har tað eru ov fá valevni á aðalfundinum.
Øll valini hjá Pedagogfelagnum verða talgild. Meira kunning um sjálva atkvøðugreiðsluna kemur í næstum.