Tað gekk ógvuliga javnt á allan fyrra hálvleik, tá kvinnurnar hjá Stjørnuni og StÍF hittust í KÍ-høllini í dag. Liðini skiftust um at skora og at hava leiðsluna, tó fekk StÍF eina leiðslu uppá tvey mál, beint fyri hálvleik, soleiðis at hálvleiksstøðan gjørdist 16-14 til StÍF.

Sum so mangan, so kom Stjørnan ikki væl frá byrjan av seinna hálvleiki, og tá leiktir vóru sjey minuttir av seinna hálvleiki, hevði StÍF økt um leiðsluna til 19-14. Stjørnan royndi at svara aftur, og tá fimm minuttir vóru eftir at leika, var leiðslan hjá StÍF minkað til tvey mál, støðan var tá 21-23 til StÍF, men nærri kom Stjørnan ikki, hóast møguleikarnir vóru har, m.a. bleiv eitt brotskast og upplagdur møguleiki misnýtt. Endaliga úrslitið gjørdist, at StÍF vann dystin 26-23.

Enn hevur Stjørnan møguleika at koma í endaspælið, men skulu dystirnir ímóti EB og VB vinnast.