Dagurin í gjár var heilt ómetaliga góður. Hava næstan ikki orð fyri hesum. Frá morgunstundini var rokan í fjøruni við at gera klárt, at seta á vrakið av Helenu, ið liggur á Borðoyavík. Ætlanin er at fáa vrakið nakrar metra grynri at liggja.

Seinnapartin kom Jón Rasmussen, skipari, við manning sínari inn á víkina við stásiliga skipinum Norðborg fyri at seta á vrakið. Eftir at hava hiva í trossarnar og flutt seg og vónandi vrakið nakað inneftir, varð avgjørt at steðga á, soleiðis at ein meting kann gerast av hvussu vrakið hevur flutt seg.

Fyribils metingarnar, ið vórðu gjørdar á staðnum, siga at helst hevur vrakið flutt seg eitt vet inneftir og niðan í brekkuna, ið er frammanfyri skipi. í dag ella í morgin senda menn ROV´ar niður á vrakið, at filma og staðfesta hvussu støðan er niðri á botni..

At sleppa at brúka ein dag saman við slíkum pressarum er ein gáva.