Norðlýsið skrivaði í farnu viku eftir, at KÍ-venjarin Magnus Powell staðfesti, at Daniel Johansen neyvan bleiv síðsta tilgongdin í summar, at hann møguliga sipaði til Jóannes Bjartalíð ella/og Gilla R. Sørensen. Sums skilst hevur samband verið millum KÍ og Jóannes, men eitt skiftið hevur enn ikki verið uppá tal í summar, sum leikarin eisini staðfesti fyri Norðlýsinum í gjár og tí skiftir hann neyvan felag í summar. Men hitt navnið endar møguliga í KÍ innan stutta tíð.

Norðlýsið veit frá góðum keldum, at samráðingar hava verið millum KÍ og TB síðstu tíðina, har KÍ ynskir at keypa 32 ára gamla Gilla R. Sørensen, sum hevur sáttmála við TB fyri komandi árini.