Í miðvikuni fer eitt hátrýst at leggja seg yvir Bretland, og tað sum veðurkortini síggja út í kvøld, fer tað at røkkar norður ímóti okkum við góðum veðri – t.e. lítlum vindi og fyri tað mesta turt.

Hitalagið fer at vera støðugt – fer at liggja um 7 stig, tá ið tað er kaldast um náttina, og upp í 11 stig, tá ið tað er heitast seinnapartin. Fram ímóti vikuni fer hitalagið at kvinka seg eitt sindur uppeftir.

Veðrið í vikuni – dag fyri dag:

Mánadagin:

Lot til frískt lot um sunnan, 3 til 8 m/s, vaksandi upp í frískt lot til frískan vind av útsynningi, 5 til 10 m/s, skýggjað og ælaveður. Um náttina minkar hann vindin niður í lot til frískt lot av útsynningi og vestan, 3 til 8 m/s, samdrigið og samregn. Hitin 7 til 11 stig.

Týsdagin:

Frískt lot til frískan vind millum vestan og sunnan, 5 til 10 m/s, skiftandi skýloft og okkurt ælið í støðum. Út á kvøldið og um náttina ælaveður. Hitin 7 til 11 stig.

Mikudagin:

Frískt lot til frískan vind vestan, 5 til 10 m/s, skiftandi skýloft og okkurt ælið í støðum. Hitin 7 til 12 stig.

Hósdagin:

Lítið lot til frískt lot vestan, minni enn 8 m/s, skiftandi skýloft og okkurt ælið. Út á dagin ella kvøldið lækkar ættin niður í sunnan, tað dregur á luftina og sum frá líður fer at regna eitt sindur. Hitin 8 til 12 stig.

Fríggjadagin:

Lítið lot til frískt lot av útsynningi, minni enn 8 m/s, skýggjað og yvirhøvur turt. Hitin 8 til 13 stig.