NSÍ fær vitjan av størsta felagnum í Finnlandi.

Týskvøldið var ein spennandi og undirhaldadi Champions League dystur í Klaksvík, sum Víkingur tíverri tapti 3-2. Hóskvøldið er longu aftur altjóða dystur í Klaksvík, tá NSÍ fær vitjan av HJK Helsinki, sum er størsta felagið í Finnlandi, men sum í fjør og í ár ikki tykist hava somu styrki sum áður. Stóra stjørnan á liðnum í ár er 35 ára gamli Teemu Pukki, sum vit kenna frá Brøndby, Norwich og finska landsliðnum.

Conference League dysturin í Klaksvík hóskvøldið byrjar kl. 19.45. Atgongumerki kunnu keypast á atgongumerki.fo.