Eftir dystin og heiðursmerkjahandanina Við Løkin, skipaði KÍ fyri hátíðarmóttøku av Føroyameistarunum á Djúpumýru. Nógv viðhaldsfólk hjá KÍ vóru komin saman at heiðrað spælarum og hjálparfólki. Anfinnur Nielsen undirhelt við tveimum av sínum hittum, og Karl Martin Samuelsen og Eyðun Nolsøe spældu við og sungu undir. Áhoyrarnir tóku eisini væl undir við kendu løgini. KÍ formaðurin, Tummas Lervig segði nøkur orð og eisini Karl Haldursson Johansen, borgarstjóri takkaði spælarum og stuðlum hjá Kí fyri stóra avrikið at vinna meistaraheitið einaferð enn.

KÍ fjepparar høvdu skipað fyri fýrverki, bæði Við Løkin og á Djúpumýru. Eisini var boðiið inn til kaffi og køkur til tey vaksnu og sunkist og okkurt gott til børnini. Alt í alt ein sera hugnalig løta.