Minnisrit um Hjarnar
Hjarnar hevur virkað á føroyska tónleikapallinum í góð 50 ár. Teir gingu undan, og vóru partu av einari tíð, har rokktónleikurin av sonnum hevði góð gróðrarlíkindi. Í Klaksvík var Ulle Barr staðið. Ulle Barr var har, sum foyérurin í Atlantis er í dag. Í sjálvum salinum var biografur og dansur, eins og Atlantis eisini húsaði diskotekklubban, ið hevði tað eksotiska navnið Atlantic Disc Lovers.
Hjarnar gjørdist skjótt ein hin best umtókti tónleikabólkurin í Føroyum. Tónleikararnir vóru framúr góðir, sangarin framúrskarandi, og ikki minst tá talan var um sjálva framførsluna á palli. Harumframt rakti Hjarnar tíðarinnar tóna eins og „dreivið“ á pallinum var bæði skjótt og gott.
Í blaðnum (78 síður) kanst tú millum annað lesa um søguna hjá Hjarnar, um tíðina tá ið teir vóru á turné í Danmark, um hvussu sangurin “Alla Nátt” gjørdist til veruleika ella hví bólkurin eitt skifti broytti navn til “Sunny”.
Fleiri áhugaverdar greinar og eldri myndir eru inni í blaðnum, sum er gjørt til hetta serliga høvið, nú Hjarnar verða heiðraði í Varpinum 7. og 8. november við stórslignari heiðurskonsert.
Ein góð jólagáva, mandlugáva, eitt serligt minni ella bara nakað, ið kann styttar tær stundir nú jólini nærkast.
Møguligt verður at keypa hetta serstaka blað í bókahandlunum kring landið, og fer tað at kosta 149 kr.
