Luftin kemur enn allan vegin úr Norðurrusslandi og Sibiria, har eitt máttmikið hátrýst er. Tað sendir ta køldu luftina hendavegin.

Hann fer at liggja av landsynningi alt vikuskiftið. Skýloftið fer at vera grátt alt vikuskiftið saman við ælaveðri ella samregni. Bert hendinga løtu turt.

Fara vit til veðrið í vikuskiftinum, so er í dag er hann í dag eystan, 5 til 10 m/s, skýggjað ella hálvskýggjað og okkurt ælið. Sum sum frá líður yvirhøvur turt. Í nátt eitt sindur minni vindur, 3 til 8 m/s, sum lækkar úr eystri niður í landsynning. Enn skýggjað og yvirhøvur turt. Hitin í dag upp í 6 stig; í nátt niður í frostmarið, í støðum 2 stig niðursum.

Fyrrapartin í morgin veksur hann vindin upp í 5 til 10 m/s av landsynningi, samdrigið og ælaveður. Seinnapartin samregn, kanska vátaslettingur. Hitin 1 til 6 stig.

Sunnudagin aftur 5 til 10 m/s av landsynningi, samdrigið og regn ella ælaveður. Hitin 3 til 8 stig.

Gott vikuskifti.