Í miðvikuni fer broyting at vera í veðrinum. Ein hátrýstryggur fer at stinga seg norður ímóti okkum, og hann fer at steðga tí kalda luftrákinum. Hann fer fyrst at mala av ymsum ættum, áður enn hann loftar sær á eysturætt og fram ímóti vikuskiftinum gongur hann niður í eystan.

Veðrið í vikuni – dag fyri dag.

Mánadagin fer hann at koma høgt (norðan), 5 til 10 m/s, skýggjað og kavaælaveður. Seinnapartin veksur vindurin upp í 10 til 15 m/s. Um kvøldið minkar vindurin niður í 5 til 10 m/s, og um náttina fer hann vesturum til útnyrðing. Hitin úr 2 kuldastigum upp í 3 hitastig.

Týsdagin 3 til 8 m/s av útnyrðingi, samdrigið og kavaæl. Seint seinnapartin og um kvøldið yvirhøvur turt. Um náttina lítið lot av ymsum ættum, minni enn 5 m/s, skýggjað og turt. Hitin úr 3 kuldastigum upp í 2 hitastig.

Mikudagin 8 til 13 m/s av útsynningi, skiftandi skýloft og kavaæl. Seinnapartin 3 til 8 m/s norðan, samdrigið og regn ella kavi. Um kvøldið og náttina lítið lot av ymsum ættum, minni enn 5 m/s, hálvskýggjað og turt. Hitin millum 2 kuldastig og 3 hitastig.

Hósdagin lítið lot av ymsum ættum, sum frá líður eystan, minni enn 5 m/s, skiftandi skýloft og turt. Hitin úr 2 kuldastigum upp í 4 hitastig.

Fríggjadagin 5 til 10 m/s av landsynningi, samdrigið og regn. Hitin úr frostmarkinum upp í 5 stig.