Endamálið við íløgunum er at styrkja tænasturnar, nærleikan til kundarnar og karmarnar rundan um dagliga virksemið. Hetta er eitt natúrligt framhald av menningini, sum hevur verið eyðkend fyri arbeiðið hjá Nema í økinum gjøgnum árini.

Íløgurnar fevna um betri karmar, dagføring av handlinum og styrking av samlaða virkseminum í Klaksvík. Dentur verður lagdur á at skapa góðar og tíðarhóskandi umstøður fyri bæði kundar og starvsfólk, so tænastan kann vera á høgum støði.

– “Vit vilja tryggja, at karmarnir rundan um okkara virksemi í Klaksvík eru góðir og nútímans. Tað hevur stóran týdning fyri bæði kundaupplivingina og arbeiðsumstøðurnar hjá starvsfólkunum,” sigur Gudny Langgaard, stjóri á Nema.

Sum partur av hesum fer Nema í summar at flyta í nýggj og nútímans hølir á Biskupstorginum. Hølini fara at hýsa bæði handils- og skrivstovuvirksemi og skapa betri og rúmligari karmar fyri kundatænastu og ráðgeving, umframt at tryggja starvsfólkunum góðar arbeiðsumstøður.

Arbeiðið gongur væl, og øll í Nema gleða seg til komandi tíðina í nýggju umstøðunum á Biskupstorginum.

Hjá Nema í Klaksvík starvast 17 starvsfólk innan menning, support, ráðgeving, matgerð v.m.

Á myndini vænta tí nøkur teirra.