Sunnunáttina er hátrýstryggurin farin eysturum, og í tess stað kemur eitt nýtt lágtrýst við regni.

Tað hevur verið eitt lítið lot av útsynningi síðan í morgun. Vindferðin er 3 til 8 m/s. Í erva er hálvskýggjað, og okkurt ælið. Seinnapartin fer hann upp í vestan, annars sama veður. Í kvøld og í nátt 5 til 10 m/s vestaneftir, hálvskýggjað og ælaveður.

Hitin í dag 2 til 6 stig.

Í morgin fer at vera lítið lot vestan, tað er minni enn 5 m/s, smá- ella hálvskýggjað, ælaveður á morgni, men so er bert okkurt ælið í støðum restina av degnum. Í annaðkvøld gongur hann niður í sunnan og veksur vindin eitt lítið sindur, upp í 3 til 8 m/s, men enn er smá- ella hálvskýggjað og yvirhøvur turt.

Hitin í morgin fer at vera sum í dag, 2 til 6 stig.

Sunnunáttina fer veðrið at broytast aftur. Hann fer at veksa vindin upp í 10 til 15 m/s av landsynningi, tað fer at draga á luftina, og fram móti morgni fer at regna. Fram ímóti middegi støkkur hann vesturum til útsynning, og tað slítur í – tó enn ælaveður. Vindurin minkar niður í 5 til 10 m/s.

Restina av sunnudegnum er upp í 10 m/s av útsynningi, hálvskýggjað og ælaveður við regni ella vátakava. Hitin sunnudagin líka sum í dag og morgin, 2 til 6 stig. Í hæddunum niður í frostmarkið.      

Gott vikuskifti.