Einki illveður hesa vikuna, upp í strúk vindi í fyrru helvt, fram ímóti vikuskiftinum minni vindur. Hitalagið fer at vera støðugt, upp í 9-10 stig hvønn dag, og niður í 5-6 stig um náttina.

Veðrið í vikuni – dag fyri dag:

Mánadagin: 

Frískt lot til frískan vind av útsynningi, 5 til 10 m/s, í støðum upp í strúk, 13 m/s, hálvskýggjað við sólglottum, men eisini og ælaveður. Seinnapartin lot til frískt lot sunnan, 3 til 8 m/s, smáskýggjað og sólglottar men bert okkurt ælið. Um kvøldið frískt lot til frískan vind sunnan, 5 til 10 m/s, skýggjað og ælaveður, í støðum við vátakava. Hitin 5 til 9 stig.

Týsdagin: 

Lot til frískt lot sunnan, 3 til 8 m/s, smá- ella hálvskýggjað og okkurt ælið. Um kvøldið frískt lot til frískan vind av landsynningi, 5 til 10 m/s, skýggjað og yvirhøvur turt. Sum frá líður veksur vindurin upp í strúk, 13 m/s, samdrigið og regn. Hitin 5 til 8 stig.

Mikudagin:

Frískur vindur upp í strúk av landsynningi, 8 til 13 m/s, samdrigið og regn. Um kvøldið lot til frískt lot av landsynningi, 3 til 8 m/s. Hitin 7 til 10 stig.

Hósdagin:

Lot til frískt lot av landsynningi, 3 til 8 m/s, skýggjað og regn. Seinnapartin lækkar hann niður í sunnan. Um náttina lot til frískt lot av útsynningi, 3 til 8 m/s, skýggjað og ælaveður. Hitin 6 til 9 stig.

Fríggjadagin:

Lot til frískt lot av útsynningi, 3 til 8 m/s, hálvskýggjað við sólglottum og bert okkurt ælið. Um kvøldið lot til frískt lot av landsynningi, 3 til 8 m/s, skýggjað og ælaveður. Hitin 6 til 9 stig.