Av “tilvild” er polterabendið hjá Jógvani sama dag sum floksskiftið, so tit sleppa at ynskja Jógvani vælkomnan í Fólkaflokkin, tá hann masjerar runt í fólkafloksháborgini í Klaksvík í flottum grønum fólkafloksklæðum. Sum búðamaður bjóðar hann tó ongar grøna keks úr egnum lumma í øllum førum.

Spurdur um, hví hann skiftir flokk, sigur Jógvan í stuttari viðmerking, at hann er sera ónøgdur um, at hann ongantíð kom upp á tal til nakran landsstýrissess. Mammubeiggin Aksel er blivin hoyvíkingur burturav, og tí er økisumboðanin hjá Javnaðarflokkinum í Norðoyggjum ikki eksisterandi longur, heldur hann.

Løgmaður og syskinabarnið Beinir Johannesen frøist um nýggja íslettið og gleðist um, at enn ein búðamaður er komin til fornuft og legst afturat sterka A-toyminum í Klaksvík. Beinir fekk endiliga yvirbevíst Jógvan í morgun kl. 09.30, tá hann setti polterabendið hjá syskinabarninum, sum skal giftast í mai. Av somu orsøk hevur Jógvan tørv á nøkrum makrelkvotum, og tað kann hann ikki fáa, so leingi hann er partur av Javnaðarflokkinum, sigur Beinir avgjørdur. 

Aksel V. Johannesen er sjálvandi sera skuffaður, at nakar akademikari fer úr javnaðarflokkinum og inn í Fólkaflokkin. Samstundis ásannar hann eisini, at sum maður er tað lættari at sleppa framat í Fólkaflokkinum enn í Javnaðarflokkinum. 

Vit fylgja málinum og vænta, at KVF tekur tað upp í tíðindunum kl. 18 í kvøld.

Jógvan er annars sonur Signhild Vilhelmsdóttir Johannesen, varaumboð hjá Javnaðarflokkinum á Fólkatingi, systirsonur fyrrverandi løgmann og núverandi formann í Javnaðarflokkinum Aksel Vilhelmson Johannesen, syskinabarn núverandi løgmann og formann í fólkaflokkinum Beinir Johannesen og abbasonur fyrrverandi javnaðarmannin og landsstýrismannin sála Vilhelm Johannesen.