Veðrið um vikuskiftið
Hann fer at liggja av útnyrðingi ella norði alt vikuskiftið. Eitt lágtrýst er á Fugloyarbankanum, men tað fer í landsnyrðing, og sum tað fer longur og longur burtur, fer vindurin í Føroyum at minka úr hvøssum vindi í morgun niður í eitt lítil lot í kvøld.
Tað er eitt sindur kalt í dag. Lotið kemur av leiðini beint sunnan fyri Svalbard, men tað ornar tíbetur so mikið nógv, at vit eru nøkur stig oman fyri frostmarkið.
Men, men – tað er fitt av vindi í morgun. 8 til 13 m/s av útnyrðingi, í støðum upp í hvassan vind – t.e. 15 m/s. Norðanfyri er ælaveður grá loft, men fara vit eitt sindur suðureftir, eru glottar upp ímillum og longri millum ælini. Vindurin fer at minka allan dag, og tað fer at vera longri og longri millum ælini. Í kvøld er vindferðin komin niður í 3 til 8 m/s, í erva er smáskýggjað og yvirhøvur turt.
Hitin í dag úr frostmarkinum upp í 5 stig.
Í morgin fer at vera eitt lítið lot av útnyrðingi ella norði, minni enn 5 m/s, skýggjað og okkurt ælið fyrrapartin, men seinnapartin smá- ella hálvskýggjað og yvirhøvur turt.
Hitin í morgin 2 til 6 stig.
Gott vikuskifti.