Sum støðan er nú, so er sannlíkt, at KÍ kemur at mangla fimm landsliðsleikarar í landskappingini fyrstu umførini eftir summarsteðgin.
Jákup Biskopstø hevur trupulleikar í rygginum og hevur ikki spælt síðstu dystirnar hjá KÍ. Har tykist støðan óviss í løtuni, nær hann fær spælt aftur.
Patrik Johannesen hevur slitið hælsinuna og spælir ikki aftur í ár.
René S. Joensen hevur ikki spælt higartil í ár, men er byrjaður at venja, tó ikki í fullari ferð. Hann verður neyvan klárur at spæla tveir dystir um vikuna í august.
Odmar Færø var sera óheppin í nærdysti í Luksemborg, har Norðlýsið hevur skrivað, at hann fekk fleiri skaðar og at hann kanska ikki spælir aftur hetta kappingarárið.
Og so hevur Hallur Hansson fingið sín dóm fyri reyða kortið í Runavík. Hann hevur leikbann í tríggjar dystir.
KÍ skal møta B36, HB og AB fram til 16. august og møguleiki er fyri í løtuni, at allir hesir fimm landsliðsleikararnir ikki spæla teir dystirnar. Tó skulu Jákup og René ikki avskrivast enn.
