Kristina Samuelsen, kanningarstjóri, hevur í samráð við Fiskimálaráðið avgjørt at allar avhoyringar í samband við málið um ólógliga fluttu veiðuloyvini í Fiskimálaráðnum, skuldu verða aftan læstar dyr.

Ikki fyrr enn Norðlýsið skrivar um hetta biður hon Fiskimálaráðið um eina frágreiðing um hví skjøl eru stemplað loynilig. Fiskimálaráðið svarar síðani at teir skullu eftirmeta loyniliga stemplaðu skjølini, og kemur síðani til tað niðurstøðu at skjøli kortini kunnu verða latin almenninginum. Fiskimálaráðið undirstrikar at tey hava einki at gera við avgerðina um at halda avhoyringarnar loyniligar - tí tað hevur allatíðina verið upp til kanningarstjóran sjálvan.

Síðani avgerð kanningarstjórin at avhoyringarnar av Løgmanni og landsstýrismanninum í Fiskivinnumálum skulu verða opnar fyri almenninginum.

Men hendan avgerð verður tikin eftir at aðlstjórin í Fiskivinnumálum, stjórin á Vørn, deildarleiðarar í fiskivinnumálum og onnur viðkomandi embætisfólk eru avhoyrd.

Bjørn á Heygum, advokatur heldur lítið um støðuna

Bjørn á Heygum, advokatur, sum m.a. var við til at smíðja stýrisskipanarlógina, er ikki nøgdur við støðuna.

Hetta er ikki nøktandi, tá málið hevur alstóran almennan áhuga og harvið ikki kann dyljast grundað á sokallað innanhýsis trúnaðarskjøl, sum fáa hetta stempul í ríkiligt mát ivaleyst við tí endamáli at forða fyri at fjølmiðlarnir fáa innlit