Torraskráin
Fríggjadagur 23. februar
Kl. 14 - 17: Listaframsýning í Gamla seglhúsi
Gamla seglhúsið er karmur um søluframsýning við 36 verkum hjá Bárði Jákupssyni.
Tað er ókeypis at vitja framsýningina.
Kl. 14 - 17: Framsýning í Posthúskjallaranum
HAV – Ein framsýning um Blue Fashion Challenge
Ein framsýning við klæðum, ið vórðu gjørd til altjóða sniðgevarakappingina Blue Fashion Challenge. Við á framsýningini eru eisini myndir, sum heimskendi myndamaðurin Tommy Ton tók, millum annað í Klaksvík.
Alt tilfarið, sum varð brúkt í kappingini, hevði sín uppruna úr havinum so ella so – t.d. úr tara, kópaskinn og fiskaskræðu.
Kappingina vann føroyska Sissal Kjartansdóttir Kristiansen í dysti við 10 aðrar norðurlendskar kvinnur.
Kl. 15: Hugnaløta í Kirkjukjallaranum
Viður og litir gerast livandi søgur
- ein ferð inn í Jesus søgurnar hjá Edward Fuglø í Christianskirkjuni
Poul F. Guttesen, Ph.D í guðfrøði hugleiðir um listaverkini hjá Edward Fuglø, Jesus úr Nasaret. Marjun Lómaklett, sóknarprestur leiðir løtuna.
Framløgan verður gjørd við støði í bókini “Boðskapurin í trænum”, sum nýliga er útkomin.
Eisini verður kryddað við heimspekingum, sum umtala henda mátan at sýna listaverk uppá, har gerandislutir verða lagdir inn í listaverkið, sum kanska í annan máta hava eina serliga søgu at siga ella ein boðskap, sum í hesum føri.
Her eru nógvar serliga áhugaverdar eygleiðingar, Poul F. Guttesen, Ph.D í guðfrøði, hevur gjørt sær við hesum meistaraverki hjá Edward Fuglø.
Aftaná verður boðið til ein drekkamunn.
Kl. 16 - 18: Opið skip umborð á Draganum
Til ber at kunna seg um virksemið umborð á skúlaskipinum
Næmingar arbeiða við togverki, spleysa, takla og bensla.
Kl. 19: Filmurin “Línumenn” í Atlantis
Søgan um okkara stál- saltlínuskip á fjarleiðum
Zacharias Hammer hevur gjørt nýggja filmin “Línumenn”, sum er góðar tveir timar langur.
Í filminum fortelja fleiri menn um, tá teir sum 14 til 17 ára gamlir fóru við teimum nýggju
línuskipunum, sum avloystu sluppirnar.
Kostnaður kr. 100,-