Slóða fyri: Planta eitt træ
Í morgun kl. 9 møttu hópin av fólki upp frammanfyri Kunningarstovuna, har býargartnarin, Hans Hjalti Skaale bjóðaði heili 200 runnar til tey, sum møttu upp, at seta niður.
Hetta var ein liður í umhvørvisvikuni, sum í ár hevur havt undirheitið “Slóða fyri”. Endamálið við Slóða fyri er at kveikja áhugan hjá borgarum og fyritøkum í kommununi at ganga á odda í spurningum um umhvørvisvernd og at vit í hvør sínum lag at slóða fyri.
Høvuðsevnið í ár hevur “vit og skil”. Skipað hevur verið fyri ymiskum tiltøkum, sum varpa ljós á burturkast sum eitt tilfeingi, ið kann gagnnýtast enn betur, um vit minnast til at skilja tað.
Skráin kann síggjast her:
https://klaksvik.fo/upload/tinymce/a6b38d5180e3e5ea215d55ec680e3b619d72f456.pdf
LEYGARDAGUR
9.00-12.00 Ókeypis trø at seta niður Trø verða latin 200
teimum fyrstu borgarunum, sum koma at heinta.
Stað: Uttan fyri Norðoya Kunningarstovu
9.00-12.00 Ruskposar kunnu heintast
Stað: Norðoya Kunningarstova
10.00-13.00 Vit og skil framsýning Verk úr burturkasti, sum
børn undir skúlaaldur og frítíðaransingin hava
tilevnað og tekningar hjá næmingum í 4. flokki.
Stað: Klaksvíkar Bókasavn
11.00-11.30 Hjólvelting Súkklutiltak fyri øll. Vit súkkla runt í
býnum við pyntaðum súkklum. Vit bjóða te, kaffi, vatn
og frukt aftaná. FNU skipar fyri.
Stað: Uttan fyri Norðoya Kunningarstovu
11.00-14.00 Vistgrøði selur ávísar matvørur í leysvekt
Havið egin íløt við. Tó eru pappírsposar eisini at fáa.
Stað: Norðoya Kunningarstova
11.00-14.00 Kom og planta títt egna grønmeti
Frida Klakkstein vegleiðir.
Stað: Ovara hædd á Norðoya Kunningarstovu