Grindalistar í Klaksvík
- Nú kunnu fólk kannað eftir um tey eru á grindalistunum í Klaksvík. Her skal ein ordans upprudding til, sigur Karl Johansen sýslumaður
Sum tað sæst eru listarnir settir saman ymiskt. Grannaløg eru ofta gingin saman um ein lista og eisini familjur. Men tíðin ger sjálvsagt at hesi skilamørk vatnast út.
Listarnir vísa navn, adressu, tlf nr, og tal av pørtum í húsarhaldunum. Tað eru 62 listar tilsamans í Klaksvík.
Fólk, sum hava viðmerkingar til listarnar, verða biðin um at seta seg í samband við formenninar, sum síðani dagføra og senda inn á teldupost til sýslumannin. Fyri hvønn lista sæst hvør er formaður og eisini tlf. nr.
- Tey sum ikki eru á nøkrum lista verða biðin um, at kannað eftir hvar familjulimir ella fólk tey kenna eru. Síðani seta seg í samband við formannin fyri tí listanum, at koma uppá, sigur Karl Johansen.
- Tað skal eitt ordans upprudding til, summir listar eru ikki dagførdir síðan 2011, sigur Karl Johansen at enda.