Summartiltakið á Kalsoynni oyðilagt
Kaos er nú, árliga tiltakið hjá Mikladals Sóknar fráhaldsfelag er byrjað. Strandferðslan hevur tikið SAM úr sigling og sett Sildberan í staðin. Kommunan hevur einans ein lítlan buss, ið koyrir vitjandi fólkini og ferðafólk í hópatali, standa nipin á Varpinum.
So hendi tað aftur! Kalsoyingar eru ikki eins fyri lógini og onnur. Tey rinda sín góða skatt til samfelagið, men fáa ikki somu tænastu aftur.
Í morgun er árliga summartiltakið hjá Mikladals Sóknar Fráhaldsfelag, ið til ber at lesa meira um niðanfyri her. Øll tey mongu sum hava staðið fyri fyrireikingunum og glett seg, at fáa vitjandi í Kalsoynna, mugu bara smyrja seg við, at almennu myndugleikarnir ikki spæla við.
Strandferðslan hevur tikið SAM úr sigling og tískil sleppa bilar og bussar ikki til Kalsoyar.
Sildberin er settur inn, hann tekur 40 fólk. Kommunan hevur sett ein buss at koyra ferðafólk í Kalsoynni, men hann tekur einans 19 fólk.
Fólk eru eisini strandađi viđ persónbilum og campingbilum á Kalsoynni.
Síðani eru tað útlendingarnir, ið einamest ætla sær í Kalsoynna at síggja Kópakonuna og Kallin. Tey standa nipin á Varpinum í Klaksvík og hava sæð sínar ætlanir fara í vaskið. Fyri teirra viðkomandi verður so hesin parturin av Føroyum helst unexplored!