Vit vóru umborð á Klakki, beint áðrenn hann fór av Klaksvík seinnapartin.

Hýrurin var góður, nú skipið endiliga var klárt at fara avstað, teir bíðaðu bert eftir seinastu pappírunum áðrenn teir settu kós ímóti Flemish Cap.

Líggjas Johannesen, skipari helt, at tað sá hóast alt ikki so galið út við veðrinum eystureftir og tá tað samstundis ljóðar frá góðum fiskiskapi, var ikki sørt, at menn vóru ótolnir at sleppa avstað.

Reiðarin, Hanus Hansen var sum vera man eisini umborð og segði farvæl og tað var ikki sørt at okkurt skemtiligt var frammi hesa løtuna vit hittu teir inni á skiparakamaranum.