BBC sendir í løtuni beinleiðis frá orðaskiftinum í bretska hægstarætti, sum skal taka støðu til um parlamenti skal góðkenna Brexit ella ikki.

Spurningurin hevur stóran týdning, tí tað er ikki vist at undirhúsið fer at góðkenna Brexit fólkaatkvøðuna, um syjórnin noyðist at spyrja parlamenti.

Bretski hægstirættur var fram til 2009 ein nevnd undir bretska yvirhúsinum, men er í dag ein sjálvstøðugur stovnur, leysur av bretska parlamentinum. Tó hava hægastrættardómararnir framvegis sæti í yvirhúsinum, men teir hava ongan atkvøðurætt.

Tað eru ikki nógv sum vænta at bretska stjórnin hevur møguleika at vinna kæruna. Stjórnin førir fram at av tí at fólkið hevur atkvøtt fyri Brexit á eini fólkaatkvøðu, er ikki neyðugt at spyrja parlamenti.

Men hægsti rættur gjørdi í 1610 eina niðurstøðu, sum segði: "....the King by his proclamation or other ways cannot change any part of the common law or statute law....".

Hetta merkir at eingin kann skerja ella broyta rættindini hjá bretsku borgarunum uttan við samtykki frá parlamentinum, skrivar BBC.

Sí her