Lýsing
Lýsing
Lýsing

Skorheim: Stóri inntøkuvøksturin er steðgaður

SKRIVAÐ: Jóhann Lützen  |  12.10.2018 - 14:42 Tíðindi Vinna

Vit mugu bara staðfesta, at ávirkanin av fiskivinnupolitikkinum sæst aftur í okkara nærumhvørvi. Stóri inntøkuvøksturin hjá Klaksvíkar kommunu er steðgaður, meðan miðstaðarøkið fer spolandi avstað, sigur Jógvan Skorheim borgarstjóri

Vit hava vent okkum til Jógvan Skorheim, borgarstjóra at hoyra hansara viðmerkingar til tíðindini frá hagstovuni um at lønarútgjaldingarnar í fiskivinnuni eru minkandi. 

- Hóast landsstýrismaðurin í fiskivinnumálum, og onnur umboð úr Tjóðveldisflokkinum tekna aðrar myndir, so siga tey konkretu tølini nakað annað. Stóri inntøkuvøksturin hjá Klaksvíkar kommunu er steðgaður, meðan miðstaðarøkið fer spolandi avstað, sigur Jógvan Skorheim borgarstjóri.

- Hagstovan slær fast, á heimasíðu sínari, at, "tað er í bólkinum fiskivinnu og øðrum ráevnisvinnum, at lønirnar eru minkandi, meðan í hinum vinnugreinabólkunum sæst ein lutfalsliga javnur vøkstur". Vit mugu bara staðfesta, at ávirkanin av fiskivinnupolitikkinum sæst aftur í okkara nærumhvørvi.

- Tað merkir at borgarar, ið okkara kommunu og í landnyrings Føroyum sum heild vinna minni. Hetta er longu sjón fyri søgn, og við tíðini kunnu vit vænta enn stórri ávirkan, sigur Jógvan Skorheim í stuttari viðmerking.

- Tað sum eg óttist mest fyri, er at landsins leiðsla ikki veit hvat hon gerð, og veit hvørja ávirkan fiskivinnunýskipanin fer at hava fyri okkara land, sigur Jógvan Skorheim at enda.

Lýsing
Seinastu tíðindini
Feskur fiskur við bátabrúgvarnar
KÍ vann 3-0 á EB/­Streym
Vága Floghavn: 20 fólk uppsøgd
Nýggir vinnukavarar
Jóannes í Miðstovuni 70
Tilmelding til rundvísing á Skúlatrøð
Gott fótbóltsveður í kvøld
Býráðsfundur í kvøld
Húsið-Festivalu­rin nærkast
Norðoya Tjóðveldis­felag aðal- og 1. upps…
Handils­felagið: Langur leygardagur
Upptakt: KÍ-EB/­Streymur
KBI yvirtekur akkumulatorvirkið Pólar
Ognarhagin í Árnafirði hagafund
Masterskeið í námsfrøðiligari leiðslu
Skúla­bygningu­rin liðugur og klárur at ta…
Andstøðan vil hava løgmann og Jenis í sa…
Virðiligari umstøður til fólk við ADHD
Hendrik Egholm gevst á Magn
Hvussu fær Klaksvík størri lut í fólkavø…