Útróðrarbátarnir hava fiskað nógv seinastu tíðina, og hartil hava bátarnir verið nógv til útróðrar. Hetta hevur havt við sær, at neyðugt hevur verið við fleiri egnarum í egningarskúrunum á Stongunum.

Heri Vang, skipari á Norðsøka ringdi til okkara í dag og boðaði frá, at hann var sera glaður fyri, at fleiri ung nú vóru í skúrinum hjá teimum og egndu, og vóru vit vælkomin at taka myndir.

Har var sera hugaligt at síggja, at fleir ung, eisini gentur, royndu seg við at egna. Heri Vang sjálvur gekk runt til tey ungu og legði lag á, men annars tóktust tey at klára seg væl einsamøll í egningini. Hjá vandum egnara tekur tað góðan tíma at egna ein stamp, so hesi ungu fara helst ikki at egna fleiri stampar í dag, men alt er ein byrjað og fyrsta stigið er at læra seg at egna, skjótleikin skal nokk koma.