Vikuskiftisveðrið
Hetta vikuskiftið rekur nokkso heit luft til Føroya úr landsynningi. Luftin kemur til okkara úr Suðurevropa. Hitin alt vikuskifti fer at liggja um 8 til 10 stig.
Veðrið í morgin er ikki so gali – 5 til 10 m/s úr landsynningi, turt kring alt landið, og hitin liggur um 8 til 10 stig. Nakað eftir døgurða fer at veksa eitt sindur – klokkan 16 eru væntandi 10 til 15 m/s, og eina løtu eftir tað fer at regna eina løtu. Í kvøld er turt.
Vindurin fer at veksa í kvøld. Á midnátt er komið upp í 15 til 20 m/s. Sunnanfjørðs verða 18 til 23 m/s. Í nátt fer at regna – tað er eitt brúgvalag úr útsynningi sum nærkast okkum, og tað fer at liggja yvir okkum til middags í morgin.
Seinnapartin í morgin slítur í, og vindurin minkar niður í 5 til 10 m/s. Í annaðkvøld fer ættin niður ímóti suðuri, tað fer at regna eina løtu, og vindurin fer at minka eitt sindur.
Á midnátt er aftur turt, og vindferðin 3 til 8 m/s úr landsynningi-suðuri.
Sunnudagin verður lítil vindur úr landsynningi, um 5 m/s, og fyri tað allarmesta turt.
Gott vikuskifti.