Sum Norðlýsið skilir er stór ósemja í samgonguni um tilfeingisgjøldini og fiskidagarnar í 2019.

Umframt at landstýrið hækkar og breiðkar tilfeingisgjøldini ætlar Høgni Hoydal at skerja dagarnar 10% og harafturat at fremja nýggjar økisfriðingar umframt at ætlanin er at skerja stóran part av óbrúktu døgunum, sum eru í skipanini.

Harafturat verður tilfeingisgjald lagt á fiskin úr Barentshavinum sum táttar í eina krónu.

Støðan í samgonguni versnaði betíðuligt fyri løtu síðan tá uppskotið hjá Magna Laksafoss um brygging av sterkari ølið fall í tinginum.  

Magni hevði annars tryggja sær meiriluta fyri uppskotinum í semju við løgmann, har Magni Laksafoss hevði bundi seg til at atkvøða fyri fíggjarlógini saman við samgonguni. Arbeiði at finna semju er um at steðga upp, og sum skilst koma hvørki uppskotið um tilfeingisgjald ella fiskidagar niðan í tingið.

Sum støðan er í løtuni verður samgongan noydd at framleingja verandi tilfeingisgjøld og fiskidagar.