Sum vit skrivaðu fyri løtu síðan fáa skip, sum fiska menningarkvotur fyri virkir á landi upp til tvær krónur minni fyri uppi sjóvartilfeingi.

- Vit hava ávarað baði landsstýrið og løgtingið at hatta fór at verða úrslitið tá man loysti veiðuloyvini frá skipinum. Men lurta var ikki eftir okkum og nú síggja vit hvussu menningarkvoturnar verða brúktar av spekulantum á landi.
Vit kunnu als ikki góðtaka hetta og tað er átrokandi neyðugt at vit fáa veiðiloyvini inn í skipanina aftur.

- Sum gongdin er í løtuni endar alt í hondunum á strámonnum. Tað gevur onga meining at flyta pengar úr fiskivinnuni sum virkar á sjónum, og geva teir til spekulantar sum eru uppi á landið.

- MEN eg kann bara staðfesta at hetta er júst tað sum politiska skipanin hevur gjørt, men tað hevur higartil verið vónleyst at fáa tey at skilja hetta, sigur Jan Højgaard, formaður í Føroya Fiskimannafelag.