Løgmaður má halda orð
Undir júst lidna orðaskiftinum um fíggjarlóg, gingu bylgjurnar høgt. Jógvan Skorheim vísti á, at játtanin, sum avtala varð gjørd um til Klaksvíkar Sjúkrahús, var tikin av fíggjarlógini. Løgmaður hevur áður sagt í samrøðu við Norðlýsið, at avtalan skal haldast og pengar skulu koma aftur til økið so ella so.
Hóast hetta vísti Jógvan Skorheim á, at eingir pengar eru brúktir í ár, hóast 7,5 mió vóru játtaðir av Løgtinginum til hølisumvælingar, útbúnað og uttanumøkið. Jógvan Skorheim upplýsti, at hann fór saman við tinglimum úr andstøðuni, at leggja broytingaruppskot fram til 3. viðgerð av fíggjarlógini, so samgongan hevði møguleikan at halda avtaluna, og seta upphæddina á 15 mió. á fíggjarlógina fyri 2019. Upplýst bleiv, at tað vóru millum annað Elsebeth Mercedis Gunnleygsdóttir, sum eisini fór at skriva undir broytingaruppskotið.