Fingu ein stóran hemara á línuni
Vinmenninir Poul Eyðfinn Poulsen og Esmund Sørensen vóru ein túr sunnanfyri í dag. Teir settu ein línustubba og høvdu eisini byrsu við fyri at verða framvið, um fuglur sást. Poul Eyðfinn sigur, at teir sóu at kalla einki til fugl, fingu tveri lundar. Men tá vit vóru komnir aftur til línuna, var hon rikin langan veg. Helst var orsøkin at hesin tungu hemarin var komin á.
Tað var ikki bara sum at siga tað, at fáa hann inn, men við góðum samarbeiði fingu vit lívið av honum og inn um stokkin. Men tað tók sína tíð og tá vit so fóru at sigla, var somikið óslætt um Skorina, at vit avgjørdu bara at halda undan inn á Árnfjarðavík. Væl av fiski var eisini at fáa segði Esmund og hann legði afturat, at teir høvdu verið ein skjótingatúr við skjótt gangandi bátinum dagin fyri, men fuglur var næstan ikki at síggja, sjálvt um teir høvdu leitað víðan. Vit fingu bert 6 fuglar í gjár sjálvt við nógvari leitan. Myndirnar tók Oliver við lendingina í Árnafirði tó fýra tær seinastu eru telefonmyndir hjá Poul Eyðfinn.