Kallanes er júst á veg inn eftir Vágni, ímeðan Bragd var her um fimm tíðina seinnapartin. Kári Klettskarð í Kongsstovu, skipari á Kallanesi sirur, at teir hava umleið 11.500 pund inni harav knappliga helvtin er toskur og restin hýsa. Veðrið hevur verið gott í dag, tó nakað av vindi nú teir fóru at sigla inn.

Oddmar Niclasen, skipari á Bragd sigur, at teir høvdu 7000 pund í dag, næstan alt toskur. Bæði Kallanes og Bragd hava verið norðanfyri. Oddmar gramdi seg tó um, at hann hevði havt trupulleikar av frystarínum, tí er onki egnt hjá honum nú vikuskiftið stendur fyri. Teir bíða eftir onkrum, sum skal koma úr Danmark, tí var Oddmar ikki vísur í hvussu fór at gangast fyrst í komandi viku.