Lýsing
Lýsing
Lýsing
Lýsing
Tað er ein avgjørdur løgmaður vit hitta í telefonini í morgun | Mynd: Oliver Joensen

Fer løgmaður at skriva út val í dag

SKRIVAÐ: Jóhann Lützen  |  01.02.2019 - 11:20 Politikkur Tíðindi

Tað hevur gingið sum rótasúpan seinastu tíðina, at løgmaður fór at skriva út nýval á tingfundinum í dag. Í viðtalu við Norðlýsið svarar Aksel V. Johannesen uppá løgtingsnevndarbýti, um tøka landssýrissesin í mentamálum og um hann fer at skriva út nýval í dag

Tingfundur er í dag kl. 14.30 har framløga og atkvøðugreiðsla um fyrispurning eru á skránni. Søgur eru farnar at ganga at løgmaður fór at nýta høvið at skriva út val á tingfundinum í dag.

Samgongan hevur ymisk trupul mál at dragast við, har nevndarvalið av løgtingsnevndunum kann skapa trupulleikar. Síðani er tað leysi landsstýrissessurin í mentamálum, ið møguliga skapar internar trupulleikar í samgonguni. Framsókn eru týðuliga ónøgd við at hava mist forkvinnusessin í fíggjarnevndini og tað hevur ljóða at mentamálráðharrasessurin hevði verið eitt hóskandi plástur á sárið. Hinvegin er Tjóðveldi nú størsti flokkur í samgonguni og halda at tey eiga sessin.

Og síðani er tað Glasir, sum skjótt kann fara at vísa seg at gerast ein trupulleiki fyri løgmann. Tey sum hava úttala seg í málinum eru rokin - Henrik Old, samferðslumálaráðharri luktaði luntin og slapp sær úr ráðnum áðrenn eldur kom í, Ewald Kjølbro, fyrrverandi stjóri á Landsverki hevur fingið sekkin og Rigmor Dam legði frá sær, tá beløbi av eykarokningunum í aðru rundu gjørdist ov nógv fyri hana. Eftir sita nú fýra fólk, ið úttala seg. Kringvarpið hevur dokumenterað hvussu Aðalstjórarnir í mentamálum og samferðslumálum hava samskift um ábyrgdina í teldupostum, soleiðis at teirra hægru fyrisettu eru komin á banan - aðalstjórin í løgmansskrivstovuni og sjálvur løgmaður. Konfliktin hevur ivaleyst ikki kraft sítt seinasta offur og kann í síðsta enda kroysta løgmann, tí tað er hann sum hevur eftirlit við teimum, sum hava haft eftirlit í byggigøluni Glasir. 

Men løgmaður er púra greiður í telefonini í morgun. Hann fer ikki at skriva út nýval á tingfundinum í dag. Løgmaður upplýsir eisini at ongin støða er tikin til hvør skal í landsstýrissessin í mentamálum og viðvíkjandi nýggjum nevndarvali av løgtingsnevndunum, so er ongin endaliga støða tikin har heldur. 

Tað sum vit arbeiða við í løtuni er at senda fleiri mál út til hoyringar, sigur løgmaður í stuttari viðmerking við Norðlýsið

Lýsing
Seinastu tíðindini
Parkinson­felagið skipaði fyri jólahugna
Eftir jólatorvi úti í Svínoy
Álopsleikari úr Nigeria gjørt sáttmála v…
JFK-Open 2019 var síðsta vikuskiftið
Eydnuhjólið útsett
Jóla­seðilin hjá Mjølnir drigin
Jólaguðs­tænastan í Oslo
Richard Sørensen hevði besta skerpikjøti…
Hugleið­ingar um næstringar- og bygdarmen…
Jóla­konsert í Glyvra kirkju
Keðiligt veður í dag
Jólahugni við góðum felagssangi á Heimin…
Darius Lewis er blivin A-lands­liðsleikar…
Stjørnan og Neistin sunnudagin
International service in betesda Klaksví…
Team Klaksvík fær vitjan av Neistanum
Røðan hjá borgar­stjóranum
Skoytubreytin í Klaksvík veruleiki
Stilli – áðrenn illveður
Meira til sjúkra­húsverkið og lands­vegaha…
Lýsing