Tað er framvegis eitt sindur av vindi í dag av norði, 10 til 15 m/s – hetta eru restirnar av storminum seint fríggjakvøldið. Vindurin er minkaður ógvuliga spakuliga í gjár og í nátt. Minkingin heldur á í dag. Á midnátt er vindferðin komin niður í 5 til 10 m/s. Turt í dag, og hitin liggur um 0 til 3 stig.

Í nátt minkar vindurin enn meiri – ein hátrýstryggur leggur seg yvir Føroyar – í morgin ári eru undir 5 m/s úr ymsum ættum.

Út á fyrrapartin í morgin fer ættin niður í vesturhallan sunnan, og út á seinnapartin fer vindurin at veksa. Um nátturðatíð er vindferðin 10 til 15 m/s, og tað fer at regna. Hitin í morgin fer at liggja um 4 til 7 stig.

Týsnátt og -morgun verður framvegis vátt. Tað fer slíta í út á seinnapartin. Ættin týsdagin fer at liggja um útsynning; vindferðin 10 til 15 m/s – í løtum 13 til 18 m/s. Hitin týsdagin 4 til 8 stig.

Mikudagin útsynningur-sunnan, 13 til 18 m/s, sum minkar út á dagin til 10 til 15 m/s. Tað fara at vera lætur við regni, og hitin fer at liggja um 5 til 9 stig.