Landsstýrið verður umskipað
Norðlýsið skilir á keldum í politisku skipanini, at Landsstýrið møguliga verður umskipað í dag
Tíðindini eru enn ikki váttað, og skulu tí sjálvsagt takast við fyrivarni, men sum blaðið skilir, eru ikki ætlanir um at Javnaðarflokkurin skal varðveita landsstýrissessin í mentamálum. Áður hevur verið róð framundir, at Framsókn skuldi hava hendan sessin, og Hanna Jensen hevur verið nevnd sum eitt gott boð uppá landsstýriskvinnu.
Men nú siga keldur hjá Norðlýsinum, at tað helst verður Tjóðveldi, sum fær sessin, og møguleikin fyri, at tað verður Óluva Klettskarð, ið fær mentamálaráðharrasessin, er nevndur.
Hetta hongur sjálvsagt saman við, at Tjóðveldi nú er størsti flokkur, men merkir somuleiðis, at Framsókn framvegis onki hevur fingið afturfyri at hava mist forkvinnusessin í Fíggjarnevndini. Hvussu løgmaður so ætlar at loysa tann trupulleikan, siga søgurnar onki um.
Norðlýsið fylgir málinum tætt og roynir at fáa tíðindini váttað sum skjótast.