Hevur tú nakrantíð verið so bangin at tú bert hevði hug at gráta og rýma undan øllum? Tað hava vit eisini, enntá fleiri ferð, men inni í okkum øllum býr ein lítil hetja, júst sum Fívilin tit fara at hitta í ævintýraleikinum. Hon er eisini bangin viðhvørt og hevur bestan hugin at geva upp, men hon er treisk og vil vísa okkum at hon torir, hóast nógvir eru vandarnir.

Gøtan kann mangan sýnast torfør og óunnilig, og tá er gott at vita at vit hava vinir, ið vilja hjálpa okkum á leið. Um Fívilinum tørvar tína hjálp, undir leikinum kanst tú hjálpa henni, við at rópa orðini:

"Tummana tummana hurl um heyg

Rummana rummana reiggj um reyg

Kom og hjálp í hesi neyð"

Tað er við stórari gleði og miklum spenningi, at Klaksvíkar sjónleikarafelag bjóðar tær og tínum vælkomnum inn í gandakenda ævintýraheimin hjá Fívilinum, Kraddaranum, gívrunum og øllum hinum verunum, sum ið hesum døgum búleikast á loftinum, á Spinnarínum í Klaksvík.

Atgongumerkir fáast her