Dansistevna í Skálanum fyri børn og ung sum dansa føroyskan dans
Í morgin, leygardagin, seta børn og ung úr øllum landinum sum dansa føroyskan hvørjum øðrum stevnu í Skálanum. Tað er Klaksvíkar Dansifelag sum saman við landsfelagnum Slái Ring sum skipar fyri.
Hetta er eitt afturvendandi tiltak, og undirtøkan hevur undanfarin ár verið góð, og tað onki undantak hesuferð. Tað verða uml. 200 børn og ung umframt uml. 150 vaksin sum luttaka. Skráin er tann, at stevnan verður sett í Skálanum kl. 10.00, síðani koma tey ymisku dansifeløgini at skipa eina ella tvær vísur part. Gjøgnum dagin koma luttakararnir í bólkum at vitja Nólsoyar Pállsgarð, har Archibald Black tekur ímóti og greiður frá, og okkurt stutt kvæði verður tikið. Mat fáa luttakarnir serveraðan í Tekniska Skúla.
Hetta er eitt tiltak, har tey ungu koma saman og hugna sær og knýta vinarbond. Skráin endar kl. 15.00.