Tað er ein dystur millum nummar 1 og 5 undan dystinum, men vinnur Skála, so eru bara tvey stig millum nummar 1 og 5 (um Víkingur vinnur á EB/Streymi), har Skála er eitt av liðunum, sum bara liggur tvey stig aftanfyri. Tí er talan um eitt slag av toppdysti.

KÍ hevur sum oftast havt tað trupult á Skála. Søguliga sæð hevur KÍ vunnið seks ferðir í 15 dystum og bara einaferð hevur KÍ vunnið við meir enn einum máli á Skála.

Hjá Skála hava Søren Nielsen og Edvin Jakobsen verið uttanfyri við skaðum seinastu umførini. Hjá KÍ hava Óli Ey. Poulsen og Torbjørn Grytten sitið uttanfyri við skaðum. Teir vera heldur ikki við hesaferð.

Dysturin á Skála byrjar kl. 18.00 í kvøld, og dómari verður Jóhan Hendrik Ellefsen.