Lýsing
Lýsing
Lýsing
Mynd: Mads Claus Rasmussen © Scanpix)

Løkke broytir kós: Vil skipa stjórn tvørtur um miðjuna

SKRIVAÐ: Tróndur Ellingsgaard  |  04.06.2019 - 14:46 Politikkur Tíðindi

- Tí eri eg komin til ta niðurstøðu, at um Vinstri verður styrktur eftir valið í morgin, so fari eg at brúka alla mína orku, førleikar og royndir til at vita, um tað ber til at savna ein meirluta við ábyrgdarfullum og royndum flokkum, tvørtur um miðjuna. Tað er neyðugt at savnast á miðjuni, segði Løkke fyri løtu síðani í samrøðu við Tv2.

Hetta sigur Løkke, eftir at hann upprunaliga fór til val uppá at halda fram við verandi stjórn. Hann hevur áður latið hurðina upp fyri einum samstarvi við danska Javnaðarflokkin, men hevur allatíðina hildið fast í, at hansara fremsta raðfesting var at ein borgarlig og liberal stjórn skuldi halda fram. Nú hevur hann tó broytt støðu.

Soleiðis sum valdysturin er liðin, so sær tað í løtuni ikki út til at tað er nakar veruligur kjansur fyri tí [at stjórnin heldur fram, red.].  Um tað verður ein bláur meirluti, so eri eg vísur í, at tað verður ein bláur meirluti við flokkum, ið eg ikki fái samstarva við, segði Lars Løkke við Tv2.

Upprunaliga setti forsætisráðharrin sær fyri, at stjórnin millum Vinstra, Konservativu og Liberal Alliance skuldi halda fram. Serliga Liberal Alliance standa til at fáa eitt serstakliga vánaligt val. Harumframt sær Dansk Folkeparti - sum hevur virkað sum stuðulsflokkur - eisini út til at fáa eitt vánaligt val. Útyvir tað, so valdar óvissa um, um nýggju flokkarnir Nye Borgerlige og Stram Kurs sleppa inn. Hetta eru helst teir flokkar, ið Løkke ikki sær seg kunna samstarva við.

Hin møguleikin er, at tað ikki verður ein bláur meirluti. So hava vit ein Javnaðarflokk ið má leita út ytst til vinstru fyri at fáa ein meirlutað.
Hvørgan av hesum møguleikunum eru tað besta fyri Danmark, sigur hann.

Tí metir forsætisráðharrin, at neyðugt er at skipa eina stjórn tvørtur um miðjuna - helst við danska Javnaðarflokkinum, og summir viðmerkjarar meta at Radikale Venstre eisini kundi verið áhugað í eini slíkari stjórn.


 

 

Lýsing
Seinastu tíðindini
Trekk væl nøgd við finalupláss
Norðoya Fólkafloks­felag ársaðalfund
Sigrun Gunnarsdóttir listaframsýning á E…
Navnakappingin er liður í ætlanini at sa…
Pison landar á Kósini í dag
Eru játtanir til Klaksvíkar Sjúkra­hús ho…
Veðurstova Føroya í Klaksvík
Søgan um festið í Oyndarfirði
Virðið fólksins vilja
Eg vil virka fyri tykkum
Smáfuglar í millum húsini
Av Hattarvík á Hvannasund
Video: Eiga skip fyri 15 mia. US-dollara…
Myndarøð: Móttøka í nýggju hølunum
Nýtt Fólka­heilsuráð valt
Dugni letur upp í Klaksvík
Tøkk
Gerðabøur er ov góður at missa
Slítur í seinnapartin
Menningarætlanin reduserað til form utta…
Lýsing